1Jo 4 | TNN | STEP | Nɨkik mɨn, okəmə etəmim kit tatən məmə Narmɨn Rəha Uhgɨn tətatɨg lan, matol in tatən-iarəp rəhan nəghatən, kən təwɨr pɨk məmə onəkotehm wɨr motakil mətɨg məmə narmɨn əh tətatɨg lan, in rəha Uhgɨn pahrien, o sənəmə rəha Uhgɨn. Kitat okotəkəike motəplan wɨr məto-inun ien eiueiuə mɨn tepət kɨnotiet rəkɨs moatəghat e nətueintən.

1 John 4

Onakakil mehm mətɨg narmɨn mɨn

1 Nɨkik mɨn, okəmə etəmim kit tatən məmə Narmɨn Rəha Uhgɨn tətatɨg lan, matol in tatən-iarəp rəhan nəghatən, kən təwɨr pɨk məmə onəkotehm wɨr motakil mətɨg məmə narmɨn əh tətatɨg lan, in rəha Uhgɨn pahrien, o sənəmə rəha Uhgɨn. ^{▼▼4:1Jer 29:8} Kitat okotəkəike motəplan wɨr məto-inun ien eiueiuə mɨn tepət kɨnotiet rəkɨs moatəghat e nətueintən. ^{▼▼4:1Mat 7:15; 1 Jon 2:18} 2 O nat u, itəmat onəkotɨtun əsas məmə in Narmɨn Rəha Uhgɨn itəm tətatɨg e etəmim kit, inun, Narmɨn itəm tatən-iarəp məmə Iesu in Kristo itəm Uhgɨn təmən məmə otahl-ipa, kən in təmuwa e nɨpətɨn, ^{▼▼4:2Jon 1:14; 1 Jon 2:23} narmɨn əh in Narmɨn ətuatɨp rəha Uhgɨn. ^{▼▼4:21 Kor 12:3} 3 Məto etəmim kit itəm təsən-iarəpən məmə Iesu in Kristo itəm Uhgɨn təmən məmə otahl-ipa, narmɨn rəha etəmim əh, sənəmə rəha Uhgɨn. Inəh, in narmɨn rəha tɨkɨmɨr rəha Kristo, ^{▼▼4:31 Jon 2:22; 2 Jon 1:7
,} ^{▼▼4:3E Inglis, katən əm ‘antichrist,’ kən nɨpətɨn u məmə in tɨkɨmɨr rəha Kristo.} itəm nɨnəmotəto rəkɨs məmə in otəpanuwa, kən roiu tɨnətatɨg rəkɨs e nətueintən. ^{▼▼4:31 Jon 2:18}

4 Nɨsualkələh, itəmat netəmim rəha Uhgɨn mɨn, kən nəmotəhg-irəkɨs ien eiueiuə mɨn əh, ^{▼▼4:4Jon 16:33} məto-inu Narmɨn itəm tətatɨg e nɨkitəmat in taprəkɨs-in narmɨn itəm tətatɨg e nətueintən u. ^{▼▼4:42 King 6:16; Rom 8:31} 5 Ilat netəm rəha nətueintən, ^{▼▼4:5Jon 15:19; 17:14,16} tol nəhlan, nəghatən mɨn rəhalat koatən, in rəha nətueintən əm, kən netəm koatətəlɨg-in ilat, ilat mɨn netəm rəha nətueintən u. 6 Məto itɨmat nenətɨ Uhgɨn mɨn. Tol nəhlan, netəmim itəm kotɨtun Uhgɨn, ilat kotətəlɨg-in itɨmat. Məto netəmim itəm ilat sənəmə nenətɨ Uhgɨn mɨn, ilat kəsotətəlɨg-inən itɨmat. ^{▼▼4:6Jon 8:47} O nat u, kitat okotɨtun əsas Narmɨn itəm tatən pahrien, ^{▼▼4:6Jon 14:17} ne narmɨn itəm tateiuə. ^{▼▼4:6Mak 13:5}

Nolkeikeən rəha Uhgɨn ne rəhatat

7 Nɨkik mɨn, pəs kitat kotolkeike kitat mɨn, ^{▼▼4:71 Jon 3:11} məto-inu nolkeikeən in tatɨsɨ-pən o Uhgɨn, kən etəm tatol nolkeikeən, in təmaiir wi mɨn muwa nətɨ Uhgɨn kit, ^{▼▼4:7Jon 1:15} kən tɨtun Uhgɨn. ^{▼▼4:71 Jon 2:4} 8 Məto etəm u, rəhan nolkeikeən tɨkə, in təruru Uhgɨn, məto-inu Uhgɨn, in nəukətɨ nolkeikeən. 9 Uhgɨn təmol əp rəhan nolkeikeən kəm kitat nulan, məmə in təmahl-ipa Nətɨn noan kitiəh əm, ^{▼▼4:9Jon 1:18} tuwa e nətueintən, məmə kitat okotos nəmegəhən ron. ^{▼▼4:9Jon 3:16,17; 1 Jon 5:11} 10 Nat u in nolkeikeən pahrien, sənəmə kitat kəmotolkeike Uhgɨn, məto in təmolkeike kitat. ^{▼▼4:10Rom 5:8,10} Uhgɨn təmahl-ipa Nətɨn tuwa, kən in təmol sakrifais atɨp e rəhan nəmegəhən o rəhatat nolən rat mɨn, məmə neməha otəsol mɨnən Uhgɨn. ^{▼▼4:10Rom 3:25}

11 Piak mɨn, Uhgɨn təmolkeike pɨk kitat nulan, ^{▼▼4:11Jon 3:16} kən tol nəhlan, kitat mɨn okotəkəike motol mihin nolkeikeən əh kəm itat mɨn. ^{▼▼4:11Jon 15:12; 1 Jon 3:11} 12 Suah kit təsehmən Uhgɨn nian kit ne. ^{▼▼4:12Jon 1:18} Məto okəmə kitat kotolkeike itat mɨn, kən Uhgɨn tatəper-ipən e nɨkitat, kən nolkeikeən rəhan tɨnatoe-in nolkeikeən e nɨkitat. ^{▼▼4:121 Jon 4:17; 2:5}

13 Kitat kotɨtun ^{▼▼4:131 Jon 2:3} məmə kitat kotəper-ipən lan, kən in tətatɨg etat, məto-inun tɨnos-ipa rəkɨs rəhan Narmɨn kəm kitat. ^{▼▼4:131 Jon 3:24}

14 Kənu itɨmat emotəplan rəkɨs kənu moatən-iarəp ^{▼▼4:14Jon 15:27} məmə Tata Uhgɨn in təmahl-ipa Nətɨn məmə in Iosmegəh rəha nətueintən. ^{▼▼4:14Luk 2:11; Jon 3:17} 15 Etəmim itəm tatən-iarəp məmə Iesu in Nətɨ Uhgɨn, kən Uhgɨn tətatɨg lan, kən in mɨn tətatɨg-pən e Uhgɨn. ^{▼▼4:151 Jon 3:24} 16 Kən tol nəhlan, kitat kotɨtun nolkeikeən rəha Uhgɨn kəm kitat, kən motagɨle lan.

Uhgɨn in nolkeikeən. ^{▼▼4:161 Jon 4:8} Etəm tətatɨg e nolkeikeən, tətatɨg-pən e Uhgɨn, kən Uhgɨn mɨn tətatɨg lan. ^{▼▼4:161 Jon 3:24} 17 Nian kotatɨg nəhlan e Uhgɨn, kən nolkeikeən rəhan tɨnatoe-in nolkeikeən e nɨkitat, ^{▼▼4:171 Jon 4:12; 2:5} məmə kitat kəsotəgɨnən ^{▼▼4:17Efes 3:12} e nian Uhgɨn otətakil itəm, məto-inu e nətueintən u rəhatat nolən tahmen e Kristo. 18 Etəm u tərioah e nolkeikeən, okol təsəginən Uhgɨn. Məto nolkeikeən pahrien u, itəm tɨnatoe rəkɨs e nɨkitat, tatəhg-irəkɨs nəgɨnən, ^{▼▼4:18Rom 8:15} məto-inu nətəlɨgən rəha nosən nalpɨnən tatol kitat koatəgɨn, kən nat u tatəgətun məmə rəhan nolkeikeən təsoe-inən əh e nɨkitat. 19 Kitat kotolkeike itat mɨn məto-inun Uhgɨn təmaupən molkeike itat. 20 Məto okəmə suah kit təmə, “Io ekolkeike Uhgɨn,” məto tatetəhau əh pian, ^{▼▼4:201 Jon 2:9} in ieiuə. ^{▼▼4:201 Jon 1:6; 2:4} Məto-inu etəm təsolkeikeən pian u in tatehm e nɨganəmtɨn, ^{▼▼4:201 Jon 3:17} okol təsolkeikeən Uhgɨn, itəm in təsehmən. ^{▼▼4:201 Jon 4:12; Jon 1:18} 21 Kən in təmos-ipa rəhan nəghatən kəm itat məmə etəmim pah tolkeike Uhgɨn in otəkəike molkeike mɨn pian. ^{▼▼4:211 Jon 2:7,9}